Сёння ў сярэдняй школе №4г. Чэрвеня было шматлюдна. Тут у рамках тыдня бацькоўскай любові ладзіўся раённы фестываль - конкурс сямейнай творчасці " Шчаслівыя разам". У конкурсе прымалі ўдзел 17 сямей з розных школ. Ад сярэдняй школы №1г.п.Смілавічы на фестывалі выступала сям'я Карпік: мама Вольга Анатольеўна, дачушка Варвара і сынок Платон. Яны прадставілі прэзентацыю ,,Спорт - гэта жыццё", дзе распавялі аб ролі спорту ў сям' і. Затым выканалі песню" Чаму дарослыя гэта забываюць? "
У намінацыі "Самая спартыўная сям'я" яны сталі пераможцамі і ўзнагароджаны дыпломам. Усе дзеці будуць запрошаны на навагодні баль на Чыжоўка - арэну.
Віншуем Вольгу Анатольеўну, Варвару і Платона з дастойным выступленнем і ўзнагародай. Ганарымся і жадаем далейшых поспехаў.